Psa 89:29-37 | SwhNEN | STEP | Nitaudumisha uzao wake milele, kiti chake cha enzi kama mbingu zinavyodumu.

Psalms 89:29-37

29 ^aNitaudumisha uzao wake milele,
kiti chake cha enzi kama mbingu zinavyodumu.

30 ^b“Kama wanae wataacha amri yangu
na wasifuate sheria zangu,
31 kama wakihalifu maagizo yangu
na kutoshika amri zangu,
32 ^cnitaadhibu dhambi yao kwa fimbo,
uovu wao kwa kuwapiga,
33 ^dlakini sitauondoa upendo wangu kwake,
wala sitausaliti uaminifu wangu kamwe.
34 ^eMimi sitavunja agano langu
wala sitabadili lile ambalo midomo yangu imelitamka.
35 ^fMara moja na kwa milele, nimeapa kwa utakatifu wangu,
nami sitamdanganya Daudi:
36 ^gkwamba uzao wake utaendelea milele,
na kiti chake cha enzi kitadumu mbele zangu kama jua;
37 ^hkitaimarishwa milele kama mwezi,
shahidi mwaminifu angani.”